Misissuinermi inernerit kingusinaaqqapput

Kigutit nakorsaasa ikiortaasa kigutit putuinut ilaartuutaasartumik kviksølvimik suliaqartarnerminni aalaanillu najuussuisarnerminni peqqiilliuuteqartarnersut pillugu Danmarkimi misissuinersuarmit inernerit ukiortaareerpat aatsaat saqqummiunneqassapput.

Kalaallit 1960-ikkunniit 1980-ikkunnut sulisuusimasut kingornalu sulisuusut aamma misissuinermut peqataasimapput. Nuummi kigutilerisut ikiortaasa pisortaat peqatigiiffimmilu Kigut-mi siulittaasoq Dorthe Johansen peqqiilliuutigisartagaat pillugit ima oqarpoq:

- Soorlu naggussatik annerisarsimavaat, issanngunerit, anersaartuutimikkut ippigusunnerit, silaluttarnerit atugarisimavaat, taavalu aamma taamanikkut amerlasuut naartuleraluarlutik katatsisarsimapput. Nujaarukkiartulersarnerlu maani Nuummi suleqatitta akornanni aamma uppernarsarnikuuarput, amerlasuullu annikitsuinnarmik nujaaruttoornikuupput, Dorthe Johansen oqarpoq.

Kviksølvi peqqutigalugu kigutileriffinni sulisut peqqissutsimikkut eqqorneqartarnersut tamakkiisumik uppernarsarneqarnikuunngilaq.

Danmarkimi misissuinersuarmit nalunaarusiaq septembarimi naammassisussaagaluaq ukiumi nutaami aatsaat saqqummersussanngorpoq.

- Soorunami taamatut kinguarteqattaarnera naammaginanngilaq. Aamma suusupagisaasutut misigisimanarpoq, taama kviksølvip navianartigisup arlalinninngaanniit uppernarsarneqartup nalunaarusiarineqarnerata kinguartittaqattaarnera naammaginanngilaq, Dorthe Johansen nangippoq.

Aperaarput suna naammassereerpat neriuutigineraat.

- Neriuutigivarput Danmarkimi arlaannik aalajangiisoqarpat qaqugu pinerpoq malitseqqinnaavanik maani Kalaallit Nunaanni iliortoqarumaartoq, Dorthe Johansen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat