Misissueqqusineq itigartippaat

Isertortumik paasiniaasartut CIA-p peqqarniisaarniatut pasisanik tigusanik, timmisartumik danskit silaannaatigut, aammalu Nunatta silaannaa qulaallugu angallassisarsimanerinik pasillerneq misissueqqusinerlu, ullumi Danskit folketingiani oqallinnermi siullermeerlugu oqallisigineqarpoq. Misissueqqusinerli oqallinnermi taasinermilu itigartinneqarpoq. Nunarput IA-lu sinnerlugu Folketingimi ilaasortap aammalu Atlatikup avannaani suleqatigiinni ilaasortap Kuupik Kleist-ip folketingimi itigartitsineq ima nalilerpaa:

- Naatsorsuutigineqarsinnaasutuut naalakkersuisooqatigiit aammalu dansk folkeparti sakkortuumik ullumi oqallinnermi missueqqusineq sakkortoorujussuarmik akerlilersorpaat. Naak europaparlamenti inassuteqaateqaraluartoq, misissuiniarnatik naalakkersuisut aalajangerput.

CIA-p timmisartuussisarsimaneri pillugit misissuisoqarnissaanik kissaateqarneq, folketingimi amerlanerussuteqartut itigartippaat. Ukiut marluk CIA-p timmisartuussisarsimanera oqallisigineqareerpoq, allaat maannakkut apeqqutit 200-t sinnerlugit naalakkersuisunut anngunneqareersimallutik. Naak naalakkersuisut eqqartugassaqannginneraasaraluartut, USA præsidentilu nassueruteqartarsimapput eqqunngitsunik iliortoqartarsimasoq, aammalu inatsisit unioqqutillugit timmisartuussisoqartarsimasoq. Naak europami nunat arlallit aammalu USA misissuititsiniarlutik aalajangersimagaluartut, danskit naalakkersuisui misissuititsinianngillat, immaqa allanik qulaajaasoqaqqeqinammat. Kuupik Kleist taama oqarpoq.

Folketingimi ullumi oqallinneq sakkortoqimmat Kuupik Kleist isumaqarpoq ajortoqartoqarneranik tamanna takutitsiinnartoq, CIA-llu timmisartuussisarsimaneri pillugit europami misissuititsinerit aallartittut kingusinnerusukkut isumamik allanngortitseriaannaasut, Kuupik Kleist isumaqarpoq.