Sofia Rossenip partiiatalu Inuit Ataqatigiit, qallunaat naalaaffiata Kalaallit Nunaannut utoqqatsernissaanik piumasaqarnissartik eqqarsaatigaat.
- Imaassinnaavoq qallunaat naalagaaffiat taamanikkut isumaqartoq kukkusumik iliortoqanngitsoq. Kisianni kingusinnerusukkut paasinikuussavaat kukkullutik, Sofia Rossen oqarpoq.
Sofia Rossenip filmi takoreerlugu killitsisimaarpoq, taamaattumik ministeriunermut apeqquteqarnissani suli eqqarsaatigaa.
- Filmi sakkortummat maannakkut tamuaqqaalaarpara, Sofia Rossen oqarpoq.
Inuit Ataqatigiit ministeriunermik utoqqatseqqusinerat siusinnerusukkut itigartinneqareerpoq.
- Qallunaat naalagaaffiata utoqqatsernissaa imaluunniit pisimasoq pillugu misissueqqissaarnissaa piumasarissanerlugu eqqarsaatigissavara, Sofia Rossen oqarpoq.