Nakorsaaneq: Misilittagaliinnarnit kakiortittaritsi

Mianersunngikkaannimi kakiortinnerit kingunerluuteqarsinnaapput.

- Aseruuttoorujussuarnermik kinguneqarsinnaavoq, ilaatigut ajornerpaanerani inuunermut ulorianartorsiortitsisinnaasumik, Henrik L. Hansen oqarpoq.

Aseruuttoornerit inuunerup sinneranut kingunerlutsitsisinnaasut, nakorsaanerup oqaatigaa.

- Aamma qilerunittoqarsinnaavoq soorlu kakiortinneq aseruuttoornerlu paffiup eqqaaniissimaguni paffik aalajuminaatsilerlugu, nakorsaaneq oqarpoq, inuillu kakiortinnginnerminni kakiuisartup tunuliaqutaanik suliaanillu misissueqqaartaqqullugit kaammattuuteqarluni.

AAMMA ATUARUK Pilikki Kinameersoq atorlugu kakiuisoqartarnera nakorsaanerup mianersoqqussutigigaa

Nakorsaaneruttaaq inuit ilaat sapigaqarlutik qisuariaateqarsinnaanerat erseqqissaatigaa, kakiortinnermullu atatillugu aarlerinartoqartuaannarnerarpaa.

- Aamma kakiusartunit misilittagalinnit kakiortinnermi, pingaartumilli pilikkinik kakiuutinik nammineq akuukkanik, suminngaanneernerinik ilisimaneqanngitsumik atuinermi.

Taamaammat Henrik L. Hansenip kakiortinnissamut aalajanginnginnermi eqqarsarluaqqaartarnissaq kaammattuutigaa.

- Kakiortinniarlunili aalajangeraanni kakiortinneq anginerujartortillugu  aarlerinartoqarnerujartortarnera eqqarsaatigineqartariaqarpoq. Pingaartumik qalipaammik aappalaartumik kakiortinnermi aarlerinartoqarnerusarpoq, Nakorsaaneq Henrik L. Hansen oqarpoq.

Kakiortereernermi aseruuttoorsorigaanni erngertumik nakorsiarnisssaq nakorsaanerup kaammattuutigaa.