Misiligutigalugu iperagaassanngilaq
36-nik ukiulik Abel Klemensen, 1990-imi ukiutoqqap unnuaani Narsami inunnik arfineq-marlunnik toqutsisoq, misiligutigalugu iperagaassanngilaq.
Allattoq Louise M. Kleemann
Nunatta eqqartuussivia ullumikkut taama aalajangiivoq, taamaalillunilu Narsami eqqartuussiviup ukiuni pingasuni misiligummik iperaagallartitsinissamik aalajangiinera allanngortillugu. Taamatut aalajangiineq politiit nunatta eqqartuussivianut suliareqqitassanngortippaat.
Nunatta eqqartuussivianit Abel Klemensen piffissalikkamik iperagaallarnissaminut piareersimanngitsutut naliliiffigineqarpoq.
Abel Klemensen piffissaligaanngitsumik Herstedvesterimiittussanngorlugu pillarneqarpoq, maannali parnaarussiviup avataani inissiisarfimmi najugaqarpoq suliffeqarlunilu.