Misiligummik iperagaagallarneqassanersoq aalajangiiffineqassaaq

Abel Klemensen 36-nik ukiulik Herstedvesterimit misiligummik iperagaasinnaaneranut tunngatillugu suliaq, Kalaallit Nunaata Eqqartuussiviani sisamanngornermi januaarip 29-anni aalajangiiffigineqassaaq.
Allattoq Jaaku Lyberth
januaarip 22-at 2009 16:08

Abel Klemensen Narsami ukiortaami inunnik arfineq marlunnik toqutsinermi kingorna, 1990-imiit Herstedvesterimut killiligaanngitsumik parnaarunneqartussanngorlugu pineqaatissinneqarpoq. Narsami eqqartuussivimmi siorna maajip 15.-ianni aalajangiunneqaraluarpoq, Abel Klemensen misiligummik iperagaasinnaasoq. Aalajangernerli Narsami Politiinit suliareqqitassanngortinneqarpoq. Kalaallit Nunaata Eqqartuussiviani suliareqqiineq aallarnerlugu ullumi eqqartuussissutissamik aalajangiiniarneq ingerlanneqalerpoq, tassani Abel Klemensen illersuisuni Thorkild Høyer najortigalugu video atorlugu killisiorneqarpoq. Abel Klemensen maanna Herstedvesterip avataani ineqartitsivimmi inisimasuuvoq Entreprenørimilu sulisuulluni. Sulisitsisualu eqqartuussissutissamik aalajangerniarnermi aamma video aqqutigalugu killisiorneqartoq, eqqartuussisuuneq Søren Søndergård Hansen oqarpoq.

Aalajangerniarnermilu Abel Klemensen misiligummik iperagaanissaminut navianarpallaarneranik politiit isumaqarnertik tunngavilersorpaat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk