Misileraatigalugu qaleralinniarneq iluatsinngitsoq

Qaanaami qaleralinnik misileraalluni aalisarneq iluatsinngitsoorpoq.

Misileraanermi paasiniarneqarsimavoq qalerallit imaanerani inuussutissarsiutigineqarsinnaanerat. Misileraanermili paasineqarpoq Qaanaami qilalugaqarnerata nalaani qalerallit sineriammiittut tammarallartartut.

-Misileraaneq aggustip aallartinneraniit septemberip qiteqqunnerata tungaanut ingerlanneqarpoq sikukkullu qaleralinniarnerup ineriartorteqqinneqarnissaa misileraaffigissallugu pisariaqarpoq, KNAPK-imi

Siunnersorti, Egede Mathiassen oqarpoq.

Sikukkut ningittagarsorluni imaluunniit qassusersorluni misileraanissaq aalisarnermut piniarnermullu pisortaqarfimmut qinnuteqaatigineqassaq.

Qaanaami misileraaqqittoqarnissaanut atatillugu Iluliarmiunik Uummannarmiunik Upernavimmiuniilluunniit aggertitsilluni ilinniartinneqarnissaa siunniunneqartoq, KNAPK-mi siunnersorti oqarpoq.

Misileraanerup inerneri ukioq naatinnagu saqqummiunneqarumaarput.