Misileraaneq akissaqartinneqanngilaq
Dansk teknisk Universetet –ip cementi nunatsinni akisoqisoq sipaarfiginiarlugu, Kangerlussuarmi marraq silt –ilu iluaqutigalugit misileraapput, beton –imik pitsaanerusumik atortussiorlutik, taama oqarpoq professor Arne Willumsen.
Oqarsinnaavugut apeqqutaaginnanngitsoq cementi marrarmik silt-imillu Kangerlussuarmeersumik taarserniaripput, kisiannili anguniaripput beton –imik pitsaanerusumik atortussiornissaq. Ullunilu makkunani ilisimatusarnitsinni tamannarpiaq misissuivigaarput, Arne Willumsen oqarpoq.
Kisianni taama misissuinermi atortorissaarutit nutaaliaalluinnartut pisariaqartippavut taakkulu amigaatigaavut, misissuinitta uppernartuuneranik paasisaqarnissatsinnut. Aningaasatigut ajornartorsiorpugut tamannali inissinniarsaraarput.
Oqaatigineqareersutut Danmarkimi qalequtassiorfiit qarmasissiorfiusut tamakkerlugit ukiuni 16 –ni marrarmik Kangerlussuarmeersumik pilersorneqarsinnaapput. Maannamuugallartoq professor Arne Willumsen –ip Sisimiut Kommuniat Namminersornerullutillu Oqartussani Inuussutisarsiornermi Pisortaqarfik inuussutissarsiutissatut siuarsaataasinnaasut pillugit suleqatigiinnertik tunngavigalugu periarfissat uku pillugit oqaloqatigereerpai. Kisianni suliffeqarfiit allat aamma ilisimatinneqarsimapput, kikkuunerili maannangaaq oqaatiginngikkallarumallugit, Arne Willumsen oqarpoq.
