MIPI apriilimi isumasioqatigiisitsissaaq
Kalaallit meerartaasa kaannerisa oqaluuserineqaqqilernerat, ilaatigut 2006-imi 2007-imilu meeqqat qanoq inuuneqarnerannik MIPI-mit nalunaarusiat aallaavigineqarput.
Meeqqanut atugassarititaasut pillugit nalunaarusiat marluk isumasioqatigiittoqartinnagu saqqummertussaapput. Danmarkimi inuunermik qanoq iluarisimaarinnitsigineq pillugu Ilisimatusarfimmut, Naalakkersuisut suliakkiissutaat naapertorlugu nalunaarusiaq februaarimi saqqummissaaq, aamma meeqqat inooqataasutut qanoq misigisimanerat pillugu MIPI-p nalunaarusiaa marsimi saqqummertussaavoq.
- MIPI-mi isumaqarpugut nalunaarusiani paasisat tunngavigalugit iliuuseqartoqartariaqalersoq, tamannali suliassaq imaannaanngitsuuvoq, MIPI-mi suleqataasoq, Maliina Abelsen, oqarpoq.
Nunatsinni meeqqat atugaat aaqqiiviginiassagaanni, inunnik isumaginninnerup tungaatigut, aningaasaqarniarnikkut kiisalu sumiiffiit apeqqutaatillugit assigiinngissutsit eqqumaffigineqartariaqartut, MIPI-miit oqaatigineqarpoq.