Assi: Kain Kalju / Flickr

MIO meeqqanut titartaanermik unammisitsisoq

Nuna tamakkerlugu atuartunut titartaanermik unammisitsoqarnissaanut Kalaallit Nunaanni meeqqat pisinnaatitaaffii pillugit sullissivik MIO peqatiserinnippoq.

Naalagaaffiit Peqatigiinni meeqqat pillugit isumaqatigiissutip ukiuni 30-nngortorsiorneranut atatillugu MIO-p atuartut meeqqat pisinnaatitaaffii pillugit titartaalluni unammisitsinermut peqataaqquai.

MIO naapertorlugu Naalagaaffiit Peqatigiit Meeqqat pillugit isumaqatigiissuutaanni artikelit nunatsinni eqquutsinneqanngitsut:

 

NP-artikeli 3: Meeqqat soqutigisaasa ilaatinnissaasa qulakkeernissaat.

 

NP-artikeli 5: Angajoqqaat akisussaaffii.

 

NP-artikeli 6: Meeqqat inuunissaminnut pisinnaatitaaffiat.

 

NP-artikeli 7: Meeqqap nalunaar­sorneqarnissamut ateqarnissamullu pisinnaatitaaffia.

 

NP-artikeli 9: Meeqqap, angajoqqaamMinit avissaartitaanngin­nissamut pisinnaatitaaffia, meeqqamut pitsaanerpaaq eqqarsaatigalugu tamanna pinngippat.

 

NP-artikeli 12: Meeqqamut tunngasutigut tamatigut meeqqap tusaaneqarnissaminut pisinnaatitaaffia.

 

NP-Artikeli 18: Pisortat naapertuuttumik angajoqqaanut angajoqqaatullu akisussaatitaasunut naapertuuttumik ikiuinissaminnut pisussaaffiat.

 

NP-artikeli 19: Timikkut tarnikkullu naakuuserfigineqan­nginnissamut naalliutsin­neqannginnissamullu illersorneqarnissaminut meeqqap pisinnaa­titaaffia

 

NP-artikeli 20: Angajoqqaaqanngitsut ikiorneqarnissaminnut pisinnaatitaaffiat naalagaaffiit peqataasut (pisortat) meeqqanik angajoqqaaqanngitsunik ikiuissapput.

 

NP-artikeli 24: Meeqqap qaffasinner­paamik anguneqarsin­naasumik peqqissuu­nissaanut pisinnaa­titaaffeqarnera.

 

NP-artikeli 25: Naalagaaffiit peqataasut (pisortat) meeqqat ulloq unnuarlu angerlarsimaffinni inissin­neqarsimasut naafferar­tumik nakkutigineqar­nissaat qulakkiigas­saraat.

 

NP-artikeli 26: Inuuniarnikkut ernumanaatsumik inissisima­nissaq: Meeraq pisinnaati­taaffeqarpoq inuuniar­nikkut ernumananngit­sumik inissisimanis­saminik.

 

NP-artikeli 27: Meeraq pisinnaati­taaffeqarpoq inuunerminiima inissisimassalluni allaat meeqqap ineriar­tornissaa qulakkeerne­qarsinnaassalluni.

 

NP-artikeli 28: Meeqqap atuartinne­qarnissaminut ilinnia­gaqarnissaminullu pisinnaatitaaffia.

 

NP-artikeli 29: Meeqqap ineriar­tortuarnissaminut pisinnaatitaaffia.

 

NP-artikeli 30: Meeqqat ikinnerussute­qartuneersut sumiuussu­sertillu aallaavigalugu kulturiminnik namminnerlu oqaatsiminnik atuinissa­minnut pisinnaati­taaffeqarnerat.

 

NP-artikeli 31: Meeqqap sunngiffe­qarnissaminut, eqqis­sisimaarsinnaanissaminut pinnguarnissa­minullu pisinnaa­titaaffia.

 

NP-artikeli 33: Hashimik imigas­samillu atornerluiner­mut tunngatillugu meeqqap illersor­neqarnissaminut pisinnaatitaaffia.

 

NP-artikeli 34: Kinguaassiutitigut kanngutsaatsuliorfi­gineqarnissamut ator­nerlugaanissamullu meeqqap illersorne­qarnissaminut pisinnaatitaaffia.

 

NP-artikeli 39: Meeqqap ikiorneqarnissaminut pisinnaatitaaffia naalagaaffiit peqataasut (pisortat) meeqqat ikiorne­qarsinnaanissaannut pisussaatitaaffiat.

MIO-mi tusagassiisartoq, Avijâja Jepsen tamanna pillugu oqaloqatigaarput.

- Siullertut, atuartut pisinnaatitaaffimminnik ilikkagaqarnerunissaat siunertaraarput, aappaattut pisinnaatitaaffiit pillugit isiginnittaasiannik paasinninnissaq. Kiisalu pingajuattut, meeqqat pillugit isumaqatigiissut pillugu ilisimasaat siammarternissaannik meeqqat tamarmik peqataanissaannik periarfissinnissaat.

- Nunatsinni atuarfiit tamarmik qaaqquagut peqataatikkumallugit.

Unammisitsereerussi titartakkat MIO-mit qanoq atussamaarpisigit?

- Titartakkat ajugaasutut aalajangiunneqartut plakatitut naqiterneqassapput, taava MIO sulinerani atorneqassapput, ilaatigut meeqqat pillugit isumaqatigiissutip ilisimaneqarnerata siammarterneqarneranut.

Qanoq neriuuteqarpisi?

- Neriuutigaarput tassa klasserpassuit, atuartorpassuit peqataajumassasut, takutikkumassagaat meeqqat pillugit isumaqatigiissutimut suut pingaartinnerlugit, ilikkagaqarluarnissaallu pisinnaatitaaffitik pillugit.

MIO-mit tusagassiisartoq, Avijâja Jepsen oqarpoq

Titartakkat kingusinnerpaamik novemberip aallaqqaatani nassiunneqassapput, ajugaasullu novembarip ulluisa 20-anni toqqarneqassallutik. Kalaallit Nunaanni meeqqat pisinnaatitaaffii pillugit sullissiviup MIO-p akissarsiaritittagaa tunniunneqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat