Minutsit pingasut uffarnermut naammaqaat!

Nunamimi tassani præsidentip uffarnerup nalaani erinarsunnginnerusarnissaq innuttaminut peqqussutigisimavaa.

Venezuelap uuliaateqarluartup, innuttaasunut imermik innaallagissamillu pilersuinermik angeqisunik ajornartorsiuteqarnerata kingunerisaanik, peqqussut saqqummiunneqarpoq. Venezuelami præsidentip Hugo Chavezip peqqussutaa ima nipeqarpoq:

- Kuutsitsiffigalusi uffarnissi nalaani erinarsortarunnaarniaritsi, minutsillu pingasut ataallugit sivisussusilimmik asattornersi taamaallaat sivisussuseqartassaaq!

Venezuelami ukiuni kingullerni arlalippassuariarluni qamittoortoqartarnerata kinguneranik erngup nukinganik nukissiorfinnut sapusiani, erngup qaffasissusaa ilaatigut appariarsimavoq.

Eqqaamiorisat akornusersorneqanngippata kuutsitsivigaluni uffarnerup nalaani erinarsuataarluni sungiusarnissaq nunami maani qujanartumik suli inerteqqutaalinngilaq.