Minutsimi ataatsimi nipaallisimaartoqarpoq

Eqqaaniaalluni nipaallisimaarneq Norgemi kisimi pinngilaq, Svenskit aamma Danskit ministeriunerisa nunaminni inuttaasut nipaallisimanissamut peqataaqqullugi qinnuigaat.

Nunatta nalunaaqutaa quligiluanngortorlu - tassa Norgemi nalunaaqutaq ataasinngortoq, inuppassuarnik toqoraasoq eqqartuussivimmut sassartinneqarpoq.

Eqqartuussinerup matoqqasuunissaa politiinik piumasarineqarsimavoq, naak eqqartuunneqartussamit ammasuunissaa piumasarineqartoq. Matoqqasumik eqqartuunneqarnissaanik politiit piumasaqarput, angutip isummersuutai politikkikkullu anguniagai kikkunnit tamanit tusarneqarsinnaanissaat kissaatiginnginnamikku.

Eqqartuussaasussaq, Anders Behring Breivik,  eqqartuunneqarnermi nalaani uniformeqarnissaminik piumasaqaraluarpoq.

Tallimanngormat qeqertami inuusuttunik Arbejderpartiimi ilaasortanit toqoraanermi, toqutaasunut ilaavoq, Norgemi kuinngissap nuliata affarmik qatanngutaa, politeeq Trond Berntsen, 51-inik ukiulik.

Taanna inuusuttut aasami katerisimaarneranni nammineq piumassutsiminik sulisarpoq.

Toqoraanerup nalaani takunnittut ilaasa oqaluttuaraat, politiip toqoraasoq unitsinniarsimagaluaraa.

Trond Berntsenip ernera qulinik ukiulik, tammaarsimaartunut aamma ilaasimavoq annattunulli ilaalluni.