Minnesotami ikaartarfik nakkaappoq

Aqqusinersuup biilinik arfineq-pingasunik sanileriinnik ingerlaarfigineqarsinnaasup ikaartarfittaa, Amerikami Minnesotami illoqarfissuarmi Minneapolisimiittoq, ippassaq unnukkut ulappuffiup nalaani isavoq. Ikaartarfiullu aseqqui Mississippip kuussuanut nakkaapput.

Annaassiniarneq suli ingerlanneqarpoq maannamullu inuit ikinnerpaamik qulingiluat ajunaarsimapput. Suli 20-t ujarneqarput 60-illu napparsimavinnut ikaartarfiup qanittumiittuaniittunut ingerlanneqareerput. Minneapolisimi oqartussat aarleqqutigaat inuit amerlanerusut ajunaarsimassasut.

Ikaartarfiup ippassaq unnukkut arfernup qaangilaarnerani sooq isasimanersoq suli ilisimaneqanngilaq. Ajunaarnerullu nalaani biilit, lastbiilit, atuartullu bussii kuummut nakkaapput.

Takunnittut oqaluttuarput, ikaartarfiup ukiut 40-t matuma siornatigut sananeqarsimasup isasuunnginnerani qannguluttumik tusaasaqarlutik.

Ukioq 2006-imi Minnesota-mi oqartussat ikaartarfik misissoreerlugu ajoquteqanngitsutut nalilerpaat, sananeqaataanilu ajoqutinik nassaarsimanatik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat