Aningaasat 1,5 milliardit koruunit Issittumi atorneqartussatut Danmarkimi naalakkersuisunit immikkoortinniarneqarput.Assi: Daniel Leal-Olivas/AFP/Ritzau Scanpix

Ministeriunerup Trump ataatsimeeqatigileruniuk Kalaallit Nunaat ilaatigut oqaluuseriniarpaa

Aningaasat 1,5 milliardit koruunit Issittumi atorneqartussatut Danmarkimi naalakkersuisunit immikkoortinniarneqarput, amerikamiullu tamanna nuannaarutigigaat, ministeriunerup Mette Frederiksenip oqaatigaa.

USA-p præsidentiata Donald Trumpip Kalaallit Nunaannik Issittumillu soqutiginninnini isertuutinngilaa.

Trumpip ministeriuneq Mette Frederiksen Londonimi ullumi naapissavaa, nunatta nalunaaqutaa naapertorlugu ullup-qeqqata missaani naapissallugu.

Donald Trumpip Kalaallit Nunaat pisiarerusullugu siusinnerusukkut oqaatigereerpaa. Tamannali ministeriunermit itigartitsissutigineqarluni:

- Assigiinngitsunik oqaluuserisassaqassaagut, qularutiginngilaralu Kalaallit Nunaat Issittorlu eqqartorneqartussanut ilaasut, Mette Frederiksen, NATO-p Londonimi ataatsimeersuarneranut peqataasoq oqarpoq.

1,5 milliarder kroner til Arktis

Issittup Danmarkip naalagaaffianit ukkatarineqarnerulernissaa kissaatigineqartoq Frederiksenip ilaatigut saqqummiunniarpaa.

Aningaasat 1,5 milliardit koruunit Issittumi atorneqartussatut Danmarkimi naalakkersuisunit immikkoortinniarneqarput:

- Issittumi saqqumilaarnerunissarput sulissutigaarput, amerikamiullu tamanna nuannarigaat ilisimavara, ministeriuneq oqarpoq.

Suut siullertut ukkatarineqarniarnersut ministeriunerup oqaatiginianngilaa. Silaannarmiit avataarsuaniit imaaniillu nakkutiginninnerulertoqassasoq ippassaq oqaatigaa.

Nunanut allanut tunngasunut sillimaniarnermullu assersuutigalugu Kangia Qiterlermut politikki, NATO-llu siunissaa oqaloqatigissagitsik, Mette Frederiksenip aamma naatsorsuutigaa.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat