Ministeriunerup perngarnera isertuunneqartoq

Danmarkimi ministeriunerusimasup Anders Fogh Rasmussenip, Nunatsinni pisami amia isertorluinnartumik aserortertippaa. Naalagaaffeqatigiit ukiumoortumik ataatsimiinneranni, Nunatsinni pisumi, Anders Fogh Rasmussen umimmappoq, naak siunnersortimi mianersoqqoreeraluaraani.
januaarip 07-at 2010 05:36

Taama pisoqarsimanera atuakkami "Præsidenten - Foghs Danmark 2001-2009"-mi - atuarneqarsinnaavoq. Danmarkimi tusagassiorfinni malunnaateqarnissani ministeriunerup sulissutigileruttoraa umimmanneq pivoq. Naalakkersuinermut tunngasunik siunnersuisartup mianersoqqussutigaa, oqarluni Anders Fogh Rasmussen aallaammik tigumiartoq, Danmarkimi aviisini taamani takuneqarsinnaasimagaluarpat, taava malunnaateqarusunnera qatangiinnarsimassagaluartoq.

Savalimmiuni lagmandip umimmak taamani unioqattaalermagu Anders Fogh Rasmussenip aallaammik arsaarpaa, seqqornermilu siullermi umimmak eqqorlugu.

Assit taamani assilisat tamaasa ministeriunerup allattuata pilluni, pilluni unitsippai, Danmarkimi aviisini ilanngunneqarsinnaajunnaarlugit.

Nunatsinni ileqquuvoq perngartup pisami amia pissagaa. Foghlli paasivaa umimmattami amia pissarsiarissagaluaruniuk tamanna akileraarutitigut 1000 koruunerpaalunnik imminut akeqassasoq, taamaammallu isertorluinnaqqissaartumik aserortertippaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq