Ministeriunermut apeqquteqaqqusaannginneq qaqutigut pisarpoq
Taamatut pisoqarnera Folketinge-mi siusinnerusukkut naammattoqarneqarsimanersoq apeqqutigigatsigu Bo Lidegaard oqarpoq qaqutigut tamanna pisartoq.
Assersuuteqarporlu Kalaallit Nunaanni uumasunut atugassaritaasut pillugit folketinge-mi ministeriunermut Anders Fogh Rasmussen-imut 2007 -imi apeqqutigineqarmat ministeriuneq akissuteqarluni oqarpoq nammineq tamanna akisinaanagu oqartussaaffik Namminersornerulluni oqartussaasut akisussaaffigimmassuk.
Sulili qaqutigoorneruvoq partiit angisuut Kalaallit Nunaannut tunngassuteqartut pillugit assortuummata. Naalagaaffeqatigiinnerup iluani pissutsit pillugit partiit angisuut iluminni assortuunnerat qaqutigoorpoq tamanna pissutsinut maannakkut atuuttunut nutaajuvoq. Bo Lidegaard oqarpoq.
Folketinge-mi partiit angisuut illuatungiliuttullu sulianut angisuunut inatsimmut tunngasunik apeqquteqartarnerat Kalaallit Nunaata oqaluttuarisaanerani maannakkut inissisimalerneranut pissutaanersoq Bo Lidegaard-ip apeqqutigigatsigu taanna oqarpoq, tamanna ilumoortortaqartoq.
Kalaallit Nunaanni aatsitassanik piianissamut periarfissat pillugit maannakkut inissisimalernitsinni, Kalaallit Nunaata Danmark-illu namminneq aalajangertusssaavaat qanoq qanitsigisumik suleqatigiinniarnerlutik, Bo Lidegaard oqarpoq.
Nunat allamiut pillugit inatsisissamut allannguut danskit naalakkersuisuinit siunnersuutigineqartoq Folketing-mi upernaamut aalajangiiffigineqassaaq inatsisip taassuma atuutsilersinneratigut, suliat angiisuut aallartinneqarpata, nunat allamiut sulisorilernissaannut periarfissiissussaaavoq,.
Nunat allamiut pillugit inatsisissatut siunnersuut folketinge-mi taasissutigineqalerpat Venstre akerliulluni isumaqataalluniluunniit taasiniarnerluni suli nalunaanngilaq.
Inatsisissaq taasissutigineqalerpat qanoq inerneqarumaarnersoq Bo Lidegaard aperigagtsinni taanna ima oqarpoq, Nunat allamiut taakkualu naalagaaffimmut isersinnaanerannut alajangersagaq, folketingeimi aalajangiiffgineqartussap akuerineqarnisaa ilimagimavara, Bo Lidegaard oqarpoq.
Tamanna taasissutigineqareerpat, Kalaallit Nunaata Danmark-illu akornanni pissutsit pillugit oqallineq ingerlaqqissasoq Bo Lidegaard-ip qularutiginagu oqaatigaa, tamannalu pingaaruteqartuusoq oqarluni
Politikenip aaqqisuisuunera neriuppoq Kalaallit Nunaanni Danmark-imilu innutaasut isummertarnerminni eqqaamarsariaqaraat piffinni pissutsinilu nutaani atugaqaratta, suleqatigiinnissatsinnillu nassaartariaqaratta, Kalaallit Nunaata aningaasaarsiornikkut atukkatigullu ineriartorneranut ataatsimoorluta iluaqutigisassatsinnik, Bo Lidegaard oqarpoq, taakkualu pillugit oqallinnerit piffissami aggersumi annertunerulissasut naatsorsuutigaa.
