Ministeriuneq paasisitsinerlunnerarneqarpoq

Danskit ministeriunerat Anders Fogh Rasmussen inatsisartunut paatsuuisitsisimasutut pasineqalerpoq. Ukiarmi aallartitat aqqanillit nunanit araberisut oqaluffiusuneersut ministeriunermut allakkatigut saaffiginnissutaat nunanut allanut ministeri peqatigalugu muamaamik titartakkat pillugit

ataatsimeeqatigisimanerarpai.

Tamannali ilumuunngilaq – illuatungiliuttullu nassuiaateqaqqusipput.

Muamaamik titartakkat suli qassiiliortitsipput. Siornali ministeriunerup Anders Fogh Rasmussenip aallartitat aqqanillit nunanit araberisut oqaseqarfiusuneersut ataatsimeeqatigineqareernerartuarpai.

Januaarip naggataani inatsisartuni illuatungiliuttut siuttuannut ima akissuteqarpoq:

-Aallartitat aqqanillit nunanut allanut ministerip ataatsimeeqatigereerpai, novembarilli arfineq-pingajuanni nunanut allanut ministerip ataatsimeeqatiginninnera allarluinnarmik samminniffiusimavoq, titartakkallu eqqaaneqanngivissimallutik; taamaattorli ministeriunerup inatsisartut nunanut allanut ministerip paasissutissiinera inatsisartunut ingerlateqqippaa.

Inatsisartuni illuatungiliuttut nikussaarput, ministeriunerlu sallusimanersoq qulaajarnialerlugu.

Danskit inatsisartuini illuatungiliuttut sinnerlugit Enhedslisteni sinnerlugu ilaasortap Frank Aaenip ministeriunerup paatsuungatitsinini nassuiaatigisariaqarnerarpaa, aallartitallu oqaloqatigiissutigiumasaraluannik oqaloqatigiissuteqanngitsoorsimanera ajuusaarutigisariaqarnerarlugu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat