Ministeriuneq nuannarineqanngitsoq tunuarumanngilaq

oktobarip 02-at 2006 15:33

Ungarnimi premierministeri nuannarineqanngeqisoq, Ferenc Gyurcsany, nammineerluni tunuarnianngilaq, naak partiia, socialistit partiiat, nuna tamakkerlugu qinersisartunit, nunap immikkoortuini ippassaq qinersinermi ajorsartinneqaraluartoq.

Ungarnimi partii illuatungiliuttoq, konservativit partiiat, Fidesz, partiinut naalakkersuisoqatigiittunut unammillerluarsimavoq nunalu tamakkerlugu angusaqarluarsimaqaluni.

Kisianni illuatungiliuttut illoqarfiit pingaarnersaanni Budapestimi amerlanerussuteqalinngitsoorput, taasinerit 95 %-iisa naatsorsorneqareerneranni tamanna erserpoq.

Fidesz-ip nunap immikkoortuisa 19-iusut, ilai 18-it ajugaaffigisimavai kiisalu illoqarfinnit 23-usunit 15-it. Illoqarfiit taakkua amerlanersaat Gyurcsanys-ip socialistpartiiata amerlanerussuteqarfigisimagaluarpai.

Ungarnimi qinersineq sapaatiummat ingerlanneqarpoq, premierminister Ferenc Gyurcsany-p tunuartinneqarnissaa præsidentip Laszlo Solyomip kajumissaaarutigereeraalu. Tamanna pivoq premierministeri nunap aningaasarsiornerata ingerlanerliornera pillugu nuna tamakkerlugu sallulluni nassuiaareersorlu.