Tikeraarneq naatsunnguussaaq ataasinngornermut killeqartoq. Assi: Scanpix

Ministeriuneq Mette Frederiksen Nuummut tikilerpoq

Danskit ministeriunertaavat Mette Frederiksen Nuummut sapaatiuppat tikissaaq. Kim Kielsen sivikitsumik tikeraassavaa.

Ministeriuneq Mette Frederiksen (S) Nuummut sapaatiuppat tikissaaq.

Tikeraarneq sivikitsunnguuvoq, tassami ataasinngorpat naassagami.

Ministeriunerup Kim Kielsen Naalakkersunullu ilaasortat sinneri naapissavai. Aamma suliffeqarfeqarfimmi kattuffiit aamma suliffeqarfiit aamma Issittumi Sakkutooqarfik sinnerlugu peqataasussat naapissavai – taavalu Kapisillit tikissavai aamma Meeqqat Illuat pulaarlugu.   

- Ministeriunertut perngarlunga Kalaallit Nunaannut tikeraarnissara Naalakkersuisullu siulittaasuannik naapitseqqinnissara qilanaareqaara, tusagassiuutinut nalunaarummi Mette Frederiksen oqarpoq. 

Kingusinnerusukkut sivisunerusumik nunatsinnut tikerarniarluni Kim Kielsen isumaqatigaa.

Ministeriuneqarfik naapertorlugu tikeraarneq ikinngutigiinnermik takutitsineruvoq.

Aamma Kim Kielsenip danskit ministeriunertaavat partiitut tunngaveqatiminnit Socialdemokraatineersoq Nuummut tikilluaqqussallugu qilanaarpoq.

- Mette Frederiksen ministeriuninngoqqammerluni nunatsinnukartussanngormat tikilluaqqusinnaassagakku nuannaarutigaara. Mette Frederiksen pitsaasumik suleqatigereerparput, siunissamilu suli qaninnerusumik suleqatigilernissarput qilanaaraara, Naalakkersuisut Siulittaasuat Kim Kielsen tusagassiuutinut  oqarpoq.

Ataasinngorpat tusagassiortunik ataatsimiititsisoqassaaq, kingornatigullu Mette Frederiksen Reykjavikimut aallassalluni ministeriunerit ukiumoortumik ataatsimiinnissaannut peqataajartorluni. Ataatsimiinnermi aamma Kalaallit Nunaanni, Savalimmiuni aamma Ålandimi siuttut peqataassapput.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat