Ministeriuneq Irakimut tikeraarpoq
Danskit Irakip kujasinnerusortaani sakkutooqarfiat, 535-inik sakkutuulik, Camp Danevang, ministeriunermit, Anders Fogh Rasmussenimit, ualiartoq tikeraarfigineqariataarpoq.
- Sakkutuut tikeraarneqartarnissaat siunertaraarput. Takutikkusupparput suliaat tapersersoratsigik, atugassarititaasullu qanoq innersut aamma paaserusullutigik, Anders Fogh Rasmussen oqarpoq.
Qaartartut siorna oktobarimi ukioq mannalu marsimi qaarmata danskit sakkutuui marluk toqummatali, ministeriuneq Irakimut aatsaat tikeraarpoq. Danskit sakkutuuisa aappagu juunip tungaanut Irakimiinnissaat, Folketingimi sapaatip-akunnera kingulleq akuersissutigineqarpoq.
Danskit Camp Danevangimi maanna sakkutuui Irakimut februaarimi tikipput.
Danskinik Irakimi arfineq-aappassaa sakkutuuliisoqarpoq. Camp Danevang inoqajuitsorujussuartut isikkoqartoq - Irakip kujataatungaani tuluit Basrami sakkutooqarfiata qanittuaniippoq.
