Ministerit marluk Nunatsinni uuliasiorluni qillerinerit pillugit isumasioqatigineqassapput
Danskit aviisiata akeqanngitsumik saqqummersartup MetroXpressip Kalaallit Nunaanni uuliasiorluni qillerinernik sammisaqarnerata kingorna, Per Clausen Enhedslistenimeersoq isumasioqatigiinnissamut aggersaasuuvoq.
Enhedslisten isumaqarpoq uuliasiorluni misileraalluni qillerinerit unitsinneqarnissaannik Danmark suliniuteqartariaqartoq.
- Qillerinerit unitsikkallarneqartariaqarput, ajutoortoqassappammi qanoq isilluni saliisoqarnissaata ilisimaneqannginnera illersorneqarsinnaanngilaq, Enhedslistenip Kalaallit Nunaannut tunngasunut oqaaseqartartua Finn Sørensen Metroxpressimut oqarpoq.