Ministerit ataatsimiisitaliortoqarnissaanut akerliliipput
Illuatungiliuttummi piumasaraat, partiit aappaluttunik taaneqartartut naalakkersuisunngortitsissagaluarpata, Irakimi sorsunneq pillugu Danmarkip tunngavilersuutaa, qallunaat Afghanistanimi tigusat tunniunneqartarnerat kiisalu parnaarussassanik CIA-p Kalaallit Nunaata silaannartaatigut assartuisarsimasinnaaneranut, misissuisussanik ataatsimiititaliotoqassasoq.
Taama misissuisitsisoqassappat Danmarkip USA-mut attaveqarnerata innarlerneqarsinnaasoq ministerit taakku marluk isumaqarput.
- USA-p Danmarkimut ukiuni kingullerni qulini suleqateqarsimanera pillugu tatiginninnginnermik oqarluni aallartittoqasasgaluarpat USA-mut attaveqarneq innarnerleqassaaq, saamerliillu taamaaliussagunik aallartinnerliussaqaat. Qallunaat amerikamiullu attaveqarnerisa tunngaviat ajunngitsoq naalakkersuisut nutaat upperinngikkaat Waskingitonimit nalilerneqassaaq, Lene Espersen Berlingske Tidede-mut oqarpoq.
Amerikamiut ilisimatitsissutigeriigaasa saniatigut nutaanik ilisimatitsisoqarnissaa Lene Espersenip ilimaginngilaa.
Søren Pind-ilu isumaqataavoq:
- USA-mut attaveqarnitsinnut ajoqusiissaaq. Nittartagaq Wikileaks, suliassallumi allat, amerikamiunit ulapputiginereeqaat. Tatiginninnginnermut assingusumik oqaaseqartutut nalilissavaatigut, Søren Pind oqarpoq.
Folketingimut qinersineq naammassiniariarpat ataatsimiititaliamik misissuisussamik sukkanerpaamik pilersitsinissaq illuatungiliuttut pilersaarutigaat.
Nunanut allanut tunngassuteqartunut Socialdemokratit oqaaseqartartuata, Mogens Lykketoftip, aviisimi Berlingske Tidende-mi erseqqissaatigaa, misissuisitsinissaq USA-mut assuarinnissutaanngitsoq, Bush-illi naalakkersuisui pineqartut.
