Assi: KNR

Ministerip sakkutooqarnikkut annertusaaneq erseqqarinngitsumik akissuteqarfigigaa

Folketingimi Issittoq pillugu ukiumoortumik nalunaajaat pillugu marlunngornermi oqallinnermi Nunanut allanut tunngasunut ministerip, Anders Samuelsenip Issittumi sakkutooqarnikkut annertusaanissamut apeqqut erseqqarinngitsumik taamaallaat akissuteqarfigaa. Nalunaajaat nammineq nassiussaraa.

Folketingimut Inatsisartunullu ilaasortap, Aleqa Hammondip (NQ) Issittumi sakkutooqarnikkut annertusaaneq nalunaajaammi ataasinnguamilluunniit eqqaaneqanngimmat isornartorsiungaatsiarpaa.

AAMMA ATUARUK Tuluit Issittumi sakkutuuliisut

Matumani Ruslandip Sorsunnersuup Nillertup nalaani Sakkutooqarfigisimasaminik arlalinnik ammaqqinnera, USA-p missilinut illersuutissaminik Pituffimmi radarimik nutarterinera, Tuluit Nunaata sakkutuunik 800-nik Norgep avannaanukartitsinera Kinallu Issittumut soqutiginninnera assersuutigai.

Hammond Folketingimi oqallinnermi isornartorsiueqqippoq ineriartornerlu pillugu danskit naalakkersuisui akissuteqaqqullugit:

- Imaani, nunami silaannarsuarmilu sakkutooqarnikut nutaamik annertusaasoqarpoq. Kalaallit Nunaat matumani issittumi saqitsaannermi nillertumi qitioqqippoq. Tamanna danskit naalakkersuisuisa qanoq iliuuseqarfiginiarneraat nalunaajaammi allassimanngilaq, Aleqa Hammond oqarpoq.

Danskit partiianit isornartorsiuineq

Aleqa Hammondip oqaaserisaasa pingaartortaat Folketingip ataatsimiittarfianni partiit amerlanersaasa aamma tikkuarpaat.

Issittumi sakkutooqarnikkut annertusaaneq Socialdemokraatit Ventrellu ernumanartortaqarnerarpaat.

Savalimmiormiuniillu folketingimut ilaasortap, Sjurdur Skaalep nunanut allanut tunngasunut ministeri, Anders Samuelsen toqqaannartumik akissuteqaqquaa:

- Russit sakkutuuisa Issittumiileriartuinnarnerat qaqugu qisuariarfigineqassava?

Samuelsen: Issittumut tunngatillugu iliuusissiaqarpugut

Isornartorsiuinerli Anders Samuelsenip naggasiutigalugu oqaaseqarnermini Issittumi sakkutooqarnikkut annertusaaneq akerleriileriartornerlu oqaaseqarfiginngilai.

Kisianni Kunngeqarfik Danmark Ruslandimut tunngatillugu marlunnik sammivilimmik iliuusissiaqarnerarpaa:

AAMMA ATUARUK Issittoq eqqissinermuinnaq piussaaq

Europap kangiani Krim pillugu akerleriissuteqarnerup malitsigisaanik Ruslandimut “sukannersumik ingerlaannartumillu” iliuuseqarnerusoq, taavalu sammiviup aappa Issittup suli sakkulersorfiunngitsuunissaanut tunngasoq, Samuelsen erseqqissaavoq.

- Russit tamanna aamma soqutigisarigaat paasisoraara, tassa nunani tamalaani aaqqiagiinngissutit Issittumut siaruarneqassanngitsut. Tassa maanna oqaatigisinnaasara.

 Nunanut allanut tunngasunut naalakkersuisunngorlaaq, Ane Lone Bagger suliamut tunngatillugu oqaaseqartinniaraluaratsigu iluatsinngilarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat