Ministerip Nunatsinnut angalasarneri ajornartorsiortitsilersinnaapput

Danmarkimi silap pissusaanut ministerip Connie Hedegaardip Nunatsinnut angalasarneri maanna ajornartorsiortitsilersinnaapput. Connie Hedegaardip maajimit septembarimut ministeritut aqqanileriarluni angalasarnerminit, sisamariarluni angalanerminit timmisartunut allanullu akiligassanut uppernarsaatit suli tunniussimanngikkai paasinarsivoq.
Allattoq Elisa Isaksen
oktobarip 19-at 2009 05:34

Angalanerit ilaatigut pineqartut tassaapput juunimi Ilulissanut angalanera, maajimi Parisiliarnera kiisalu Washingtonimut New Yorkimullu marloriarluni angalaneranit kiisalu septembarimi Bangkokimut angalaneranit aningaasartuutinut uppernarsaatit tamarmik.

Connie Hedegaardip angalanerminut taakkununnga 343.000 koruunit aamma ilassinninnermut 71.000 koruunit atorsimavai.

Silap pissusaanut ministeeriaqarfiup nittartagaani oqaatigineqarpoq, tamakkua saniatigut Connie Hedegaard arlalissuarnik tunissutisisarsimasoq, soorlu tiiportip puua puisip amianit sanaaq, Ilulissaniinnerminit tunissutisiarisimassagunagaa ilaavoq.

Tunissutisiai allat Nunatsinneersuugunanngitsut Ritzauimit taaneqartut tassaapput orpiarannguaq orpimmit bonzaimit sanaaq, karsi kaaginik pitsassuarnik imalik kiisalu igaffimmi atortunut allarut tuttuusamik assiliartalik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq