Inuusuttut nunatsinni sakkutuunngorniarsinnaanerat pillugu illersornissaqarfiup nunatsinni siullermeertumik neqerooruteqartarnissaq siorna novembarimi aallartippaa.Assi: Simon Uldum

Ministerip Issittumi Illersornissaqarfimmi kalaallit amerlanerulersikkusukkai

Kalaallit Nunaanni aalajangersimasumik najugallit Issittumi Sakkutooqarfimmiilernissaat, Danmarkip illersornissamut ministeriata Trine Bramsenip kissaatigaa. Sermitsiaq.AG taama allaaserisaqarpoq.

Illersornissaqarfik Issittoq pillugu ilisimasaqarnissamik pisariaqartitsisoq, illersornissamut ministeri isumaqarpoq, ilisimasaqarnerlu issittumi peroriartorsimagaanni taamaallaat pissarsiarineqarsinnaanera oqaatigalugu:

- Issittumik paasisimasallit amerlanerit illersornissaqarfiup Kalaallit Nunaanniinnerani suleqataatikkusuppakka. Issittumut tunngatillugu immikkut ilisimasat Illersornissaqarfiup suliarisinnaasaanut ataatsimoortikkusullugit, Trine Bramsen Sermitsiaq.AG-mut oqarpoq.

Inuusuttut nunatsinni sakkutuunngorniarsinnaanerat pillugu illersornissaqarfiup nunatsinni siullermeertumik neqerooruteqartarnissaq siorna novembarimi aallartippaa, inuusuttullu 20-t missaanniittut taamanikkut qinnuteqarlutik.

Inuusuttut misilitsikkiartortut affaasa missaat arnaasut, misilitsinnerillu iluatsilluarsimasut, nunatsinni Illersornissaqarfimmi akisussaasup Dennis Rasmussenip KNR-imut taamanikkut oqaatigaa.

AAMMA ATUARUK Succesfuld afprøvning til værnepligt i Nuuk

Inuusuttullu nunatsinni misilitsissinnaanissaasa saniatigut allamik neqerooruteqarsinnaanissaq illersornissamut ministerip neriuutigaa. Sakkutuujusussaanerummi saniatigut ilinniarnerup affaata nunatsinni siunissami pisinnaanissaa Trine Bramsenip maanna oqaluuseraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat