Assi: Scott Lough/Flickr Creative Commons

Ministerip ilisimasatoqqat misissuinermi atorniarpai

Naggueqatigiit inuit indianerillu arnartaasa periarfeerunneqartarnerinik misissuineq nutaaq maannamut misissuinermut naleqqiullugu allaanerungaatsiassaaq, Canadap nunap inoqqaavinut tunngasunut ministeria taama oqarpoq.

Nunap inoqqaavisa arnartaasa periarfeerunneqartut toqutaasullu nuna tamakkerlugu misissuiffigineqarnerat nutaaq eqqartorneqangaatsiarlunilu allaaserineqangaatsiartoq amerlasuut utaqqisimavaat.

Qanoq misissuisoqassanersoq paasiniarlugu Nunap inoqqaavinut tunngasunut ministerip, Carolyn Bennettip arnat ilaqutaat naapillugit misissuineq aallartippaa. 

Panitik, qatanngutitik anaanatilluunniit ilaqutaasunut eqqartussallugit artornangaatsiarpoq, ilaqutaasormi periarfeerunneqannginnermini immaqa pinngitsaalisaalluniluunniit toqutaasimassammat. Misigeqqissallugu imaannaanngilaq, misigissutsit sakkortuungaatsiartut utersaartitsisartut. Arnat ilaqutaasullu ataqqiniarlugit Carolyn Bennettip naapippai. 

Misissuinermi suna tullinnguunnersoq Carolyn Bennettimut KNR-imit apeqqutigaarput.

Qangalili ilisimasat qanoq misissuinissamut atorneqarsinnaanersut, qanorlu nunap inoqqaavisa eqqartuusseriaasiat atorneqarsinnaanersoq tullinnguuppoq.

Qangalili ilisimasanik eqqartuusseriaatsinillu nutaanik ministeri saqqummiussaqarniarpoq.

Misissuineq nunap inoqqaavinit Canadamiunillu allanit amerlasuunit malinnaaffigineqarluassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat