Ministerip cannabisimik naatitsineq inerteqqutaajunnaarsikkusukkaa

Danmarkimi ikiaroornartut ilaannik cannabissimik nakorsaasiortoqarsinnaasariaqarpoq. Venstret peqqissutsimut ministeriat Ellen Trane Nørby taama siunnersuuteqarpoq.
Venstret peqqissutsimut ministeriat Ellen Trane Nørby. Assi © : Pressefoto v/ Flemming Leitorp
Allattoq Karsten Sommer
juulip 01-at 2017 16:43
Nutserisoq Erna Lynge

Venstret peqqissutsimut ministeriat Ellen Trane Nørby siunnersuuteqarpoq danskit naasorissaasut pisinnaatinneqassasut aappaagu ukiortaamiit ukiuni sisamani misiliutaasumik peqqissaanermi atortussanik ikiaroornartumik cannabisimik naatitsiortorsinnaalernissaat.

Misileraanermi peruluttutut nalunaarsinnaassapput ikiaroornartumik cannabisimik katsorsaanermut peqataarusunnerlutik. Pingaarneq tassaavoq naalakkersuisut danskit ikiaroornartumik naatitsinissaat inerteqqutaajunnaarsikkusummassuk, ministeri nassuiaavoq.

Aviisimut Politikenimut Dansk Folkeparti aamma Socialdemokratiit siunnersuummut akerliunngillat, danskillu naasorissaasut nalunaareersimapput ikiaroornartumik pilersuinissamut piareersimallutik.

Ikiaroornartumilli cannabisimik naatitsisalerusuttut naatitsinissamut akuersissummik peqartariaqarput.

AAMMA ATUARUK Cannabis nakorsaatitut atorneqalernissaa akuersissutigineqarpoq

AAMMA ATUARUK Canadami Cannabis ammaanneqarniartoq