Assi: Simon Uldum

Folketingimi isumasioqatigiinneq: Ministeri Kangerlussuup siunissaa pillugu akissuteqassaaq

Nuummi, Ilulissani Qaqortumilu mittarfiit 2023-mi ammarneqarpata Kangerlussuarmi mittarfiup, Kangerlussuarmilu innuttaasut siunissaat pillugu Danmarkimi naalakkersuisut qanoq takorloorpaat? Danmarkip illersornissamut ministeriata Trine Bramsenip apeqqut taanna Folketingimi ullumi sisamanngornermi isumasioqatigiinnermi akissutissaqartissavaa.

Illersornissaqarfiup Kangerlussuarmiiginnarniarnini ilisimatitsissutigisimavaa. Naalakkersuisut Illersornissamut ministereqarfik suleqatigalugu suleqatigiissitanik upernaaq manna pilersitsipput, illersornissaqarfiup Kangerlussuarmi inissisimaffeqarnerata periarfissai kingunerisinnaasaalu suleqatigiissitanit paasiniarneqassalluni.

AAMMA ATUARUK Issittumi sakkussiorneq pillugu illersornissamut ministeri erseqqissulianngilaq

Amerikamiut nunatsinni sakkutuuliinerminni annertusaasinnaanersut pillugu Danmarkimut apeqquteqaateqarsimanngitsut, maanna ministeriunerup Mette Frederiksenip nunatsinnut aggustimi tikeraarnermini oqaatigaa, tassungali atatillugu aamma oqaatigalugu amerikamiut sakkutuuisa Issittumi takussaanerulernissaat pissusissamisoortoq.

AAMMA ATUARUK Amerikamiut Kangerlussuarmut missinnaanissaq pisariaqartippaat

Trine Bramsenip isumasioqatigineqarnera Folketingip nittartagaani FT.dk-mi toqqaannartumik malinnaavigineqarsinnaavoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat