Ministeri kalaallinut assersuunneqarusunngitsoq?

Danmarkimi ilageeqarnermut ministerip Manu Sareenip kisiittumik isummersoriaasia nunaqqataanit paatsoorneqaqqajaasarpoq.

TV-kkut aallakaatitassiaq " Upperisaq, neriunneq suaassuseqatiminnillu atoqateqartartut katissinnaatitaanerat" DR1-imi  sapaatiummat takutinneqarpoq. Ilageeqarnermut, naligiissitaanermut nunanullu avannarlernut tunngasunut ministerip Manu Sareenip ministerinngoqqaarnerminit qaammatit marluk siulliit sulinera aallakaatitassiami tassani malittarineqarpoq.

Ilageeqarnermut ministerip oqaasipilussinnaanera aallakaatitassiami takutinneqartut ilagaat. Aamma qilerniusanik silittunik nuannarisaqannginnera isiginnaartartut akornanni aalassatsitsisoq aviisimi B.T.-mi allaaserineqarpoq.

"Tassa kalaallinut assersuunneqarnissat nuannarinagu qilerniusanik silittunik atuisannginnerit atuartartut ilaannit ingasagineqarpoq, tamanna qanoq isumaqarfigiviuk?

- Naamik naatitaarniaq pivara, kalaallit pinngilakka, Manu Sareen aviisimut nassuiaavoq.

Kisianni aallakaatitassiami tusaaneqarsinnaavoq kalaallit assersuutigigitit.

- Naamik, taamatut oqarnissaq takorloorsimanngisaannarpara, aammami sooq taama oqassangama. Oqaaseq "grønthandler" (naatitaarniaq) nunasisut akornanni mitalliutitut atorneqartarpoq, oqaaseq taannarpiaq aamma meeqqanut atuakkianni atortarpara, Manu Sareen aviisimut B.T.-mut nassuiaavoq.

Manu Sareenip kalaallinik nikanarsaaniartutut paatsoorneqaraluarnera taamaasilluni iluarsineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat