Ministeri Bendt Bendtsen tunuarpoq

Danmarkimi Aningaasarsiornermut inuussutissarsiutinullu ministeri Bendt Bendtsen atorfimminit partiimilu Konservativeni siulittaasuunerminit tunuarnissani ullaaq manna nalunaarutigaa.
Allattoq Louise M. Kleemann
septembarip 09-at 2008 06:37

Bendt Bendtsenip tunuarnissaminut pissutigaa, EU parlamentimut aappaagu qinersinissami Konservativet sinnerlugit qinigassanut pingaarnersaaniarnini.

Bendt Bendtsenip tunuarneratigut Inatsisinik atortitsinermut ministeri Lene Espersen Det Konservative Folkeparti-mi siulittaasunngussaaq.

Bendt Bendtsenip ministeritut tunuarneragut ministerit aamma nikerassapput. Aningaasarsiornermut inuussutissarsisutinullu ministerinngussaaq Lene Espersen, maannalu kulturministeriusoq Brian Mikkelsen Lene Espersenip atorfianut pissalluni.

Kina taava kulturministerinngussanersoq statsminister Anders Fogh Rasmussenip ullup ilaagut tusarliutissagunavippaa.

Konservativet EU parlamentimut qinigassanngortitassatik sapaatip-akunnerata naanerani saqqummiuttussanngoraallu Bendt Bendtsenip aalajangernera saqqummiunneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq