PAN AM Minik: Tupinnarpoq
Kalaallit nunanut allanut unammisartui Argentinamut, unammersuarnermi ajugaasussatut piukkunneqartunut ilaasunut, ajugaanertik tupigusuutigigaat, nunanut allanut unammisartoq, Minik Dahl Høegh oqarpoq.
- Tupigusorrateqaagut. Soorunami unamminnginnitsinni upperivarput, aamma immitsinnut aperillattaavugut: ilaa ajugaassaagut, ilaa ajugaaniarsarissaagut. Taava tassa iluatsimmat misigissutsit amerlasoorujussuit misigisimavarput. Ippassaq oqaluuserivagut, tupigsunneq, nuannaarneq. Nuannaarnermik immaqa qullilingajattarluta, assammik arsarluni nunanut allanut unammisartoq Minik Dahl Høegh oqarpoq.
Aamma atuaruk ASSIT & VIDEO Argentinamut ajugaareerlutik nuannattut takukkit
Aamma atuaruk ASSIT & VIDEO Pan Am: Nunatta Argentina ajugaaffigaa
Taakkulu nunap unammiffiusup Argentinap nunanut allanut unammisartuinut ajugaanerat nuannaarutissaasoq nunatta nunanut allanut unammisartuisa sungiusaasuat, Niels Møller isumaqarpoq.
Argentinamummi ajugaanissaq takorloorneqarsimanngikkaluartoq.
- Argentinamut ajugaanissaq sinnartorineqanngikkaluarpoq. Ajugaavugulli tamannalu assammik arsarnerup silarsuaani tupaallatsitsivoq. Danmarkimit nunaniillu allanit saaffigineqareerpugut. Tassami iligiit OL-imut sapaatit akunneri marluk qaangiuppata peqataasussat unammisartutik pikkorinnerpaat unammitikkaluaraat ajugaaffigaavut. Una ajugaaneq tassaavoq, Nunatsinni assamik arsannerup oqaluttuarisaanerani angusat anginerpaasa ilaat, Niels Møller oqarpoq.
Kalaallit Guatemalamut unamminerat KNR 1-ikkut ualimut nal. 15:55 toqqaannartumik aallakaatinneqassaaq.
Aamma atuaruk Pan Am: Kalaallit unammisartui aallartilluarput