Minik pillugu isiginnaartitsissusiaq ilusinikkiartulerpoq
Minik pillugu isiginnaartitsissusiaq ilusinikkiartulerpoq.
Isiginnaartitsisartoq Sørine Petersen Aasianneersoq isiginnaartitsissutissamik ukiup aappaa affaq suliaqareerluni ullumikkut Danmarkiliarpoq Avanersuarmiu Minik pillugu isiginnaartitsissutissap nipilersuutitassaa immiukkiartorlugu.
Avanersuarmi ilisimasassarsiortartorsuup, Robert Peary-p Minik angutaalu New Yorkimut 1897-imi avalaassimavai.
Sørine Petersen oqaluttuarpoq, nipilersugassiami Miniup Avanersuarmi Amerikaliannginnermini Amerikamilu inuunerminik misigisai oqaluttuariniarini. Isiginnaartitsissutissamut manuskriptissaq Sørinap suli naammassisimannginnerarpaa, neriuutigaali suliaminut tunngatillugu inuit pisinnaatitaaffiinut atatillugu oqallinnermik pilersitseqataajumaarluni.
- Miniummi angummi saarngi Katersugaasivimmiittut takugamigit amerikamiunut kamaatigisimaqai.
Inuttut allatulli isigisaalluta ullumikkut pisinnaatitaaffeqarpugut, taamanikkulli Minik ilaquttanilu pisinnaatitaaffeqarsimanngillat, Sørine Petersen, aviisiliortunngorniat, nittartakkakkut aviisitaavannut ”Inuit Nyt”-imut taama oqarpoq.
Isiginnaartitsissutissiap nipilersuutitassaa Atlantic Music-ip immiussisarfiani København-imiittumi immiunneqassaaq, immiussinissami suleqatigineqas-sapput, Pilutaq Olsen, aamma qatanngutigiit, Kulunnguaq aammalu Inuaraq Gedionsen, erinarsortartuullutillu kitaarillammassuusut.
