Juulli pisaarfiusaqaaq aningaasarpassuarnillu naleqartarluni, taamaattumik juullisunnitsunik avatangiisinut mingutsitsinngitsunik qanoq atuinissatsinnik kommuneqarfiit kattuffiat KANUKOKA siunnersuuteqarpoq.
Tunissutissarsinialerutta meeqqat atisassaannik imaluunniit nuliap tarngutissaanik, pisiassatsinni Naasoq, Qussuk imaluunniit Økotex-meqqi qinertassagipput, Kanukoka inassuteqarpoq.
- Ilaqutariinnut meerartalinnut avatangiisinik mianerinnikkusuttunut piukkunnartuuvoq batteriinik avatangiisinut ilisarnaasikkanik poortarsuarnik pisinissaq, tassami pinngussat batteriitortut orpiup ataani tunissutissani amerlasaqimmata, Kanukoka allappoq.
Nipitittagaq pisiassani ilisarnaat Naasoq tassaavoq Europamiut avatangiisinut pisortatigoortumik ilisarnaataat. Qussuk tassaavoq nunani avannarlerni avatangiisinut pisortatigoortumik ilisarnaat.
Ilisarnaatit taakku tamarmik nioqqutissiap atuuffigisaa naallugu avatangiisinut ajoqusiinnginnissamik piumasarineqartunik sukannersunik eqqortitsisuupput.
Annoraamernit ØkoTex-imik ilisarnaasikkat sullinernut akiuussutissat imaluunniit sapigaqalissutaasinnaasut kræfteqalersitsisinnaasulluunniit amiakkuinik akoqartussaanngillat.
Juullimut tunissutissarsiniarluarisi !