Mingutsitsinnginnissamut iliuuseqarsinnaavugut
Silaannarmik mingutsaaliuinissaq pillugu Kyotomi isumaqatigiissut atuutileqqammersoq najoqqutaralugu nunat atsioqataasut gassinik, silaannarmik kissakkiartortitsisunik mingutsitsinertik 5,2 procentinik ukiut arfineq-marluk ingerlanerani millisinniassavaat.
Isumaqarnarsinnaavoq isumaqatigiissut politikkertalerujussuusoq, isumaqatigiissulli malillugu kikkut tamarmik iliuuseqarsinnaapput.
Iliuuserineqarsinnaasut arlaqarput, soorlu sapaatip akunneranut marloriarluni biili angerlarsimaffiup eqqaaniitiinnarneqarsinnaavoq, ukiorlu naallugu tamaalioraanni kuldioxid-imik, tassa silaannarmik ipinartortalimmik aniatitat 750 kilomik annikinnerulissapput.
Errosivik qalaassiunnaartillugu, 30 imaluunniit 40 gradinik kissassusilimmik errorsisaraanni kiisalu qulliit sipaartartunik taarseraanni silaannarmik mingutsitsineq 500 kilomik annikillissaaq.
Kuldioxidimik CO2-mik ilaqutariit millisaaqataasinnaanerannik naatsorsuisuupput, Naalagaaffiit Peqatigiit silasiornermut tunngasunik suliniaqatigiiffia, WMO.