Mingutsitsineq kalaallinik eqquinerluppoq
Nerisaqarnikkut kviksølvimik timikkut toqunartunittarneq pissutaalluni, meeqqat ilikkarsinnaassusiat killeqalertarpoq, inersimasunngoraangamillu aningaasarsiorsinnaanerat aamma innarlerneqartarluni. Taamaammat Kalaallit Nunaata ukiumut aningaasat 362 mio. koruunit annaasarpai.
Ilisimatuut marluk misissuisimanerat taama takutitsivoq.
Kviksølvimik mingutitsinerni avannaarsua eqqugaanerpaasartoq misissuinerit takutippaat, ulluinnarnilu nerineqartartut toqunartunik arrortinneqarsinnanngitsunik akoqartarmata, Kalaallit Nunaat aningaasatigut eqqugaasarpoq.
Mingutsitsineq nunanit allaninngaanniit pilersinneqartuuvoq, Kalaallit Nunaannilu innuttaasut pilersitarinagu. Kalaallit mingutsitsinermi akiliisutut oqaatigineqarput, kviksølvi nunanit allaniit silaannakkut Kalaallit Nunaanut ingerlaartarmat. Ilaatigut nunani allani suliffissuit aamaruutissamik ikummatissartortut kviksølvimik mingutitsinerpaapput.
Nerisassat mingutsinneqarnerisa saniatigut aamma aalisakkat kviksølvimik akoqarpallaalerlutik tunisassiarineqarsinnaajunnaarsinnaapput.
