Mingutsitsineq annikillisarniarpaat
Taamaalillutik biilit ullumimiit 40 procentimik orsussamik atorluaanerulersimassapput.
Inatsisitaarli naalagaaffiit ilaasa nuannarinngilaat, naalagaaffiimmi 17-it nutaanik inatsisitaartorsimagaluarput, inatsisitaamiilli taakku anguniagaat qaangerneqassapput. USA-mi avatangiisit pillugit qullersaqarfik taama nalunaarpoq.
Naalagaaffiit inatsisinik sukaterisimagaluartut ilagaat California.
Guvernørip Arnold Schwarzeneggerip naalagaaffiit kattuffiat inuit millionerpassuit qarsupiinnarlugit aalajangiisimammat avoqqaaraa, tunniutiinnarusunnanilu.
Californiami ukioq 2004 aalajangerput ukioq 2016-imi gassit silaannarmik kissakkiartortitsisartut aniatinneqarneri killilersorniarlugit, biilit nutaat literimut kilometerinik 18-inik ingerlasinnaalernissaat piumasarineqassasoq.