Mimi Karlsen: Innarluutilinnut tunngasunik aaqqissuusseqqinneq ingerlaannarpoq

Innarluutilinnut tunngasunik tamarmiusumik aaqqissuusseqqinneq ingerlaannartoq, kultureqarnermut, ilinniartitaanermut, ilisimatusarnermut, ilageeqarnermullu naalakkersuisup Mimi Karlsenip parteeqatimi Debora Kleistip apeqquteqaataanut akissuteqaatigaa.
Allattoq Mads Lynge
septembarip 19-at 2009 16:53

Suliat innarluutilinnut tunngasut kommuninut nuunneqarnissaannik suliaqarneq pissutaalluni 2008-mi unitsikkallarneqaraluarpoq.

Ilaqutariinnermut naalakkersuisoqarfik aaqqissuussinermik innarluutilinnut tunngasunik tamarmiusumik, taakkununnga ilanngullugit ilaatigut ilinniartitaanermik, suliffeqarnermik ineqarnermillu misissuiffiusussamik aallartitseqqippoq, namminersonermilu suliassaqarfiit allat qanimut peqatigalugit ilisimasallu katersorneqareersut aallaavigalugit ineriartortinneqarnissaat Naalakkersuisut kissaatigaat.

Debora Kleistimullu akissummi takuneqarsinnaavoq innarluutillit qanorluunniit ukiullit tamarmik atuarnermik, ilinniarnermik, sulinermik misiliinermik, sammisamik suliffimmilluunniit, assersuutigalugu eqaannerusumik suliffeqartitsinikkut nakkutiginniffiusumilluunniit sammisaqartitsinikkut ullumikkut inatsisitigut periarfissat atorlugit aallartinneqarsinnaasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq