Miluumasunik kisitsisoqarpoq
Kitaata imartaani miluumasunik kisitsineq, Pinngortitaleriffiup aaqqissugaa, aatsaallu taama sukumiitigisoq, naammasseqqammerpoq.
Kisitsineq, kitaata sineriaanit 200 kilometerinik avasitsigisumi, Maniitsumiit Upernaviup tungaanut, ingerlanneqarpoq.
Timmisartumut ilaallutik kisitsisut paarlakaallutik arfineq marluupput – piniartullu peqataanissaminnut aamma periarfissinneqarput, takusaminnillu oqaluttuartinneqarlutik.
Timmisartup ataanut assiliissut ikkullugu immami qulaataminni uumasunik sunilluunniit arajutsisaqarneq ajorsimapput. Sikoqarnera aamma nalunaarsorneqarpoq.
Qilalukkat qaqortat, qernertat, aarrillu pingaarnerutillugit kisitsisoqarpoq, arferilli, nannut puisillu kisitsinermi takuneqaraangata ilanngunneqartarput.
Kisitsinermi assilisat tunngavigalugit aappaagu inerniliisoqassasoq, Pinngortitaleriffimmiit ilisimatitsissutigineqarpoq.