Miluffinnut akuutissaq Danmarkimi inerteqqutaalerpoq
Meeqqat ukioqanngitsuniit pingasut tungaannut ukiullit akornani sianiutitigut pissusilersornikkullu ajoquteqalersarneq, akuutissamut tassunga attuumassuteqarsorineqarpoq.
Akuutissap taassuma inerteqqutaalernissaa partiit folketingimi ilaasortat danskit naalakkersuisuinut piumasarereerpaat.
Inuussutissaqarnermut ministeri Henrik Høegh naapertorlugu inerteqqutip atuutilersinneqarnera, Danmarkimi Teknisk Universitetimi teriarsuarnik misileraanernit inernerit tunngavigineqarput.
- Teriarsuit piaraasa ilikkarsinnaassusaat akuutissamit bisphenol-A-mit sunnerneqartarnersoq misissuinermi tassani nalornissutigineqarpoq, taamaattumik nalornineq taanna atuisartunut iluaqutaasariaqartoq isumaqarpunga, Henrik Høegh oqarpoq.
Teriarsuarnik misileraanerup naammassineqarnissaata tungaanut inerteqqut atuutissasoq inuussutissaqarnermut ministerip erseqqissaatigaa.
Danmarkimi inerteqqut Europami nunanit allanit malinneqariaannaasoq, politikerit arlallit ritzauimut oqarput.
