Milosivic uummamminik toqquteqarpoq

Jugoslaviaasimasumi præsidentiusimasoq Slobodan Milosevic uummamminik unittoornerminik toqquteqarpoq, taama Milosivicip timaanik ullumi misissuineq inerneqartoq, Naalagaaffiit Peqatigiit sorsunnermi pinerluuteqarsimasunut Haagimi eqqartuussiviannut qanittumik attuumassutilik aterminilli isertuussisoq, nutaarsiassaqartitsivinnut ullumi tusarliussaqarpoq.

Milosivicip sivisuumik uummalluuteqarsimasup toqunartuligaasimanissaa Serbiami pasilliutigineqarpoq, saqqummiunneqarporli uummamminik unittoornini toqqutigisimagaa.

Serbiap massakkut præsidentia Boris Tadic oqarpoq Milosivic pisortatigoortumik ilineqassanngitsoq.

Tadic isumaqarpoq Milosivicip iliuuserisimasai tunngavigalugit pisortatigoortumik ilisinissaq pissusissamisoortuunngitsoq. Milosivic Serbiami ilineqassappat, uillarnerata Ruslandimut 2003-mili qimarngusimasup ilisinermut peqataanissaa itigartinneqarpoq, Mira Markovicilu, Serbianut pissaguni tigusarineqassasoq erseqqissaatigineqarluni. Milosivicip sumi ilisaanissaa suli saqqummiunneqanngilaq.