Milosivic toqunneqarsimanngilaq
apriilip 05-at 2006 07:46
Serbiami præsidentiusimasoq Slobodan Milosevic toqunneqarsimanngilaq, napparsimaninili toqqutigisimallugu, Milosivicip Haagimi eqqartuussiviup parnaarussiaviani parnaarussaatilluni toqunera pillugu misissuinermi inernerusunik Hollandimiut unnerluussisussaatitaat taama nalunaarutiginippoq.
Milosevic eqqartuussaanissaminut atatillugu sorsunnermi pinerluuteqarsimasut Haagimi eqqartussiviata parnaarussiviani parnaarussimaneqarnermi nalaani marsip aqqarnanni toqungasoq nassaarineqarpoq, timaanillu misissuinermit inernerutinneqarpoq uummamminik unittoornini toqqutigsimagaa.