Milosevic toqutaasimasorineqarpoq
Serbiami præsidentiusimasup Slobodan Milosevic-ip toqunera toqqutigisaalu nalornissutigineqarpoq pisuutitsiniarnerillu imaaginnavipput.
Serbiami præsidentip Naalagaaffiit Peqatigiit Haagimi sorsunnermi pinerluuteqarsimasut eqqartuussivissuat Slobodan Milosevicip arfininngormat toquneranut pisuutippaa.
- Milosevic nakorsanit ikiorneqartussaalluni ikiorserneqanngilaq, præsident Tadic oqarpoq:
Serbiami innuttaasut amerlanersaat tupaallapput Præsident Tadic taama nalunaaruteqarmat. Tadic nunanik allanik suleqateqarnissaminut ammasuuvoq inussiarnersuullunilu taamaattumik arlaannaataluunniit ilimagigunanngilaa taamatut pisuutitsinissaa.
Serbiami naalakkersuinermik suliaqartut maanna avissaartuullutik aallartipput. Avissaartuunneranni erserpoq kikkut nunanik allanik suleqateqarnissaminnut piareersimanersut kikkullu Milosevicip naalakkersuisuunerata nalaani illersuisuunersut.
Sloboban Milosevicip uummallunnini toqqutigisimagaa misissuinermi paasineqarpoq. Qaammatit arlalialunnguit qaangiuppata sorsunnermi pinerluuteqarsimanini pillugu pineqaatissinneqarnissi angunngitsoorpaa.