Milosevic toqunartumik toqquteqanngilaq

marsip 17-at 2006 10:56

Naalagaaffiit Peqatigiit sorsunnermi pinerluuteqarsimasunik eqqartuussivissuata Haagimiittup, Jugoslaviami præsidentiusimasup Slobodan Milosevicip eqqartuussivissuup paarnaarussiaviani paarnaarussaaqqanermi nalaani toqunartutortinneqarsimagaaneranik tusatsiakkat ilumuunnginerarpai. Tamatumunnga Slobodan Milosevic toqunartutortinneqarsimasoralugu misissorneqarneranit inernerit pinerluttoqarsimannginneranik takussutissartallit uppernarsaatigineqarlutik.

- Misissuinermi ”toqunartumik nassaartoqanngitsoq” imaluunniit Milosevicip aavani iisartakkap, bakterianik toqoraatitallip uummatigissaatinillu iluaqutaajunnaarsitsisartup, rifampicinip amiakkuinik nassaartoqarsimanngilaq, eqqartuussivissuup præsidentia, Fausto Pocar oqarpoq.

Milosevicip aava misissorneqarmat iisartakkat amiakkui allat toqunartortaqanngitsut nassaarineqarsimasut, Fausto Pocar tusagassiortunik katersortitsinermi ullumi nassuiaavoq.