Milliardit sinnerlugit amigartoorpugut

Nunatta nunanut allanut niuernera 2005-imi milliardit sinnilaarlugit amigartoorfiuvoq. Tamanna atuarneqarsinnaavoq naatsorsueqqissaartarfiup 2005-imut nalunaarusiaani. Uuliap siorna 40 procentimik akitsornera aamma inuit eqqussugassanik pisiortornerat, pisooqataapput 2005-imi nunanut allanut niuernermut amigaartoornermut, 1,1 mia. koruuninik naleqartumut.

Ersarinnerpaaq tassaavoq uuliap nunarsuarmi akitsupiloornera nunatsinni eqqussuinermut aningaasanngorlugu 200 mio. koruuninik akitsornermik naleqartoq.

Illuatungaatigulli maluginiartariaqarpoq aatsitassanik tunisassiulerneq kisitsisini ilaalermat, atuarneqarsinnaavormi 2005-mi 140 mio. koruunit sinnilaarlugit kuultissamik nunanut allanut tunisisoqarmat.

Naatsorsueqqissaartarfiup saqqummersitaani ukiuni tallimani kingullerni pisunut nalunaarsuiffiusumi, maluginiagassaavoq pisiat eqqussukkat milliartingajammik aningaasartuutaaffiunerulermata illuatungaatigut tunisassiorneq 200 mio. koruuniinnarnik isertitaqarnerulerfiusoq.Eqqussuinermut milliartinik sisamaata qeqqanik atorneqarsimavoq tunisineq pingajuata qeqqanik isertitsiffiusoq. Paasisaqarnerorusulluinnartut naatsorsueqqissaartarfiup nittartagaa www.statgreen.gl alakkarlugu qimerluuisinnaapput.