Milano mi angerlarsimaffeqanngitsut utoqqalinersiallillu nuannaarutissinneqarput
Aalisakkap belugap suai 40 kilo sinnerlugu oqimaassusillit anngiortumik Polen-mit Italiamut eqqunniarneqarsimagaluartut Italiamiut politiviinit arsaarinnissutigineqarput. Suaat taakkua tuniniarneqarsimagaluarunik tre millioner koruuninik iluanaarutigineqarsinnaasimagaluarput.
Angutit marluk qaammat kingulleq aalisakkap suaannik kaviarimik anngiortumik Italiamut eqqusserialuartut politiinit tigusarineqarput.
Aalisakkap suaa kaviar Milanomi sakkutuut najugaqarfigisaanni nillataartitsivimmi sapaatip akunneri arlallit uninngasuutigineqarsimapput, sivisunerusumilli uninngatinneqarsinnaanngimmata suliniaqatigiiffinnit ikiuniartartunullu assigiingitsunut tunniunneqarsimavoq.