Mike Fencker Thomsen X-Factorimi misilitsinermi siullermi iluatsippoq

KNR-ip inuusuttunut aallakaatitassiaani Sofa Aappalaartumi peqataasarsimasut ilaat Mike Thomsen unammisitsinissamut ippassaq misilitsippoq.

Pissangagama, erinarsoriarlunga aneqqikkama sajullunga utaqqivunga, piareeratta naliliisartut taasillutik piareermata gruppitsinni arfinilinnik inuttaqartumi kisima ingerlaqqippunga, Mike Fencher Thomsen angusaminik iluarisimaarinnilluni taama oqarpoq.

Naatsorsuutigineqarpoq inuit 4.500-it X-factorimut misilitsinnermi peqataasut.

Kalaallit Nunaannit peqataajartortoq Mike Fencker Thomsen misilitsinnermini ingerlaqqippoq.

- Danmarks Radiop illutarsua tupinnaqaaq, tikeqqammerlunga alakkarnikuugakku paasinialaarlugu sumiinnersoq tammartajaannginnerussagama aakajaajuvoq, Mike erinarsorluni misilitseqqammersoq taama oqarpoq nangillunilu.

- Ullaaq sumi pinersoq boxerujussuarmiippugut. Aallaqqaammut silataani sivisuumik utaqqivugut.

Mike aperaarput misilitsinnera siulleq qanoq ingerlasimanersoq. Gruppekkaarluta misilitseqattaaratta normu taaneqaraangat tullinnguuttut erinarsortarlutik, Mike pissangasimaqaluni naggasiivoq.

Misilitsinnerit København-imi Århusimilu ingerlanneqassapput.