Mikaela Engell Ridderkorsimik saqqarmiortaarpoq
Nunatsinni Rigsombudsmandi Mikaela Engell Dannebrogsordenimi ridderkorsimik saqqarmiulerneqarpoq. Tamanna januaarip aallaqqaataanni pivoq, aamma inuit pingaarutillit allat kunngikkormiunit ulloq taanna saqqarmiulerneqarput.
Allattoq Elisa Isaksen
januaarip 03-at 2013 06:51
Dannebrogsordenen kunngikkormiut saqqarmiuliuttagaraat, qallunaanut nunanilu allamiunut pisortanut sullissilluarsimasunut nersorinninniutitut tunniunneqartartoq.
Mikaela Engell taamaalilluni taama saqqarmiullit makku akornanniilerpoq, KGH-mi niuernermut pisortaasimasoq Erling Groth Christensen, katersugaasivissuarmi Nationalmuseumimi professori Hans Christian Gulløw, nunanut allanut attaveqarnermi pisortaasimasoq Einar Lemche, rigsombudsmandiusimasoq Søren Hald Møller aamma politimesteriusimasoq Steen Silberg Thomsen, taakku tamarmik inunnut 6.000-it missaanniittunut ridderkorset af Dannebrog-imik saqqarmiulerneqarsimasunut ilaapput.