Kalaallit Illuutaanni Københavnimi Løvstrædemiittumi tusarnivissumik minutsini makkunanerpiaq erinarsortoqassagunarpoq.
Tassami erinarsoqatigiit MIK-ikkut ukiunik 45-nngortorsiorlutik nalliuttorsiornertik Kalaallit Illuutaanni tassani malunnartippaat, erinarsoqatigiinni siulittaasoq, Agnes Jensen, taama oqaluttuarpoq. Agnes Jensen ukiuni 32-ni MIK-ikkunni ilaasortaavoq.
Erinarsoqatigiit Danmarkimi 1962-imi aallartinneqarput, taamani Radiomi sulisoq, Knud Wissum, aallartitsisuulluni.
MIK-ikkut ukiut taakku ingerlanerini tusarnaartitsiartorlutik nunarpassuarniittarsimapput.
Agnes Jensen oqaluttuarpoq, erinarsoqatigiit MIK 20-nik maanna ilaasortaqartut.