Miiti Lyngep uia pillugu § 37 naapertorlugu apeqquteqaateqartoqarpoq

Miiti Lyngep uiata kisermaassilluni annikitsumik ingerlatsinissamut sumiiffimmi aalajangersimasumi akuersissummik pineqartartumik peqarnera pillugu Demokraatit siulittaasuat, Jens B. Frederiksen apeqquteqaateqarpoq. Frederiksen § 37 naapertorlugu apeqquteqaatit pingasut Naalakkersuisunut tunniussimavai.
Allattoq Peter Troelsen, Simon Uldum
juunip 27-at 2013 08:17

Naalakkersuisut siulittaasuat Aleqa Hammond 2010-mi oqarpoq taamaattut ileqqorissaarnissamut pissuserissaarnissamullu tunngatillugu akuerineqarsinnaanngilluinnartut. Jens B.-p maanna paaserusuppaa naalakkersuisut siulittaasuat isummaminik allanngortitsisimanersoq, taamatullu suli isumaqarpat Frederiksenip paaserusuppaa tassunga atatillugu qanoq kinguneqartitsisoqassanersoq.

Demokraatit tassunga atatillugu paasivaat Miiti Lyngep ujaqqanut pinnersaasiassanut small scalemik akuersissummik pigisaqassannginneranik Qinigaanerup Misilinneqarnissaanut Ataatsimiititaliap nalunaarfigisimagaa. Miiti Lynge tamanna pissutigalugu ataatsimiititaliamut nalunaarpoq akuersissut erngertumik utertinniarlugu. Uiali aamma taamaaliorniarnersoq paasissutissiissutigineqanngilaq.

Demokraatinit nassuiaatigineqarpoq Miiti Lynge uiatalu akuersissummik pigisaqarnerat ajoriffissaqartinnagu, suliffeqarfiit namminersortut suliniutaat partiip tapersersoqqissaarmagu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq