Miillaaraq Lennert angusarissaarpoq
Ujakkaajutigaluni eqqaasartartoq, Miillaaraq Lennert, aallaariallaqqissimakaseqaaq, ilaanami ajorsimanngeqaaq, tassami 6 kilometerisut isorartutigisumut ujakkaajutigaluni eqqaasarluni Italiami nunarsuarmi pissartanngorniunnermi normu 31-nngorsimavoq.
Angusarlu taanna kalaallit ujakkaajutigalutik eqqaasartartut peqataasalermata angusarineqartunut pitsaanerpaanut ilaavoq.
Eqqaasartartullu Kalaallit Nunaanni Kattuffiata naliliinera naapertorlugu oqaatigineqarpoq, nunarsuarmi pissartanngorniunnermi nukarliit unammisarneranni nunatsinneersunit Martin Møller kisimi pitsaanerpaamik angusarissaartuusarsimasoq.
Arnaq inuusuttunnguaq taanna, Miillaaraq Lennert, Norgemi gymnasiami ulluinnarni atuarpoq, ujakkaajutigaluni eqqaasartarneq immikkut sammisaralugu.
Miillaaraq tulliani unammileruni Europamiut pissartanngorniunneranni Bulgariami Banskomi peqataasussaavoq, unamminerlu februaarip ulluisa
18-ianniit 26-iata tungaanut ingerlanneqassaaq.
Bulgarialiaqataassapput Martin Møller Aasianneersorlu Kristian Kristoffersen kiisalu Nuumminngaanneersoq Johanne Mikkelsen.
